Gujarat Rain Report: ગુજરાતમાં ચોમાસાની તેજી, કચ્છમાં સૌથી વધુ 61.34% વરસાદ

Gujarat Rain Report: ગુજરાતમાં થોડા દિવસના વિરામ પછી ફરી મેઘરાજા મહેરબાન થયા છે. આજે સવારે 6 વાગ્યાથી લઈને રાત્રિના 8 વાગ્યા સુધી રાજ્યના કુલ 113 તાલુકાઓમાં વરસાદ વરસ્યો છે. જેમાં સૌથી વધુ વરસાદ જૂનાગઢ જિલ્લાના માંગરોળમાં નોંધાયો છે, જ્યાં 3.54 ઈંચ વરસાદ ખાબક્યો છે. આ સાથે, અત્યાર સુધીમાં સમગ્ર રાજ્યમાં મોસમી વરસાદનો સરેરાશ 52.46 ટકા વરસાદ નોંધાયો છે. સૌથી વધુ વરસાદ કચ્છ ઝોનમાં નોંધાયો છે, જ્યાં 61.34 ટકાથી વધુ વરસાદ થયો છે.

Gujarat Rain Report

ગુજરાતમાં ઝોનવાઇઝ વરસાદની સ્થિતિ પર નજર કરીએ તો કચ્છમાં 61.34%, ઉત્તર ગુજરાતમાં 51.76%, મધ્ય અને પૂર્વ ગુજરાતમાં 49.97%, સૌરાષ્ટ્ર વિસ્તારમાં 50.74% અને દક્ષિણ ગુજરાતમાં 55.59% મોસમી વરસાદ નોંધાયો છે. આજે સવારથી જ અનેક વિસ્તારોમાં મેઘરાજાએ જમાવટ કરી હતી. ખાસ કરીને જૂનાગઢ જિલ્લામાં વરસાદની સાર્વત્રિક હાજરી જોવા મળી હતી. જૂનાગઢ શહેરમાં 1.5 ઈંચ વરસાદ પડતાં રસ્તાઓ પર પાણી ભરાઈ ગયા હતા. ઉપરાંત જિલ્લાના અન્ય વિસ્તારોમાં પણ વરસાદ નોંધાયો છે જેમ કે માંગરોળમાં સૌથી વધુ 3.54 ઈંચ, વંથલી અને મેંદરડામાં 1 ઈંચ, કેશોદ અને માળિયામાં 1.5 ઈંચ વરસાદ પડ્યો છે. આથી સ્પષ્ટ છે કે ગુજરાતમાં મોસમ ફરી સક્રિય બન્યું છે અને આગામી દિવસોમાં વધુ વરસાદની શક્યતા પણ ટાળવા જેવી નથી.

207 જળાશયોમાં હાલમાં 58.10 ટકા પાણીનો જથ્થો

રાજ્યના 207 જળાશયોમાં હાલમાં સરેરાશ 58.10 ટકા જેટલો પાણીનો જથ્થો નોંધાયો છે. જો ઝોન પ્રમાણે જોઈએ તો, ઉત્તર ગુજરાતના 15 ડેમોમાં માત્ર 52.48 ટકા, મધ્ય ગુજરાતના 17 ડેમોમાં 65.31 ટકા, દક્ષિણ ગુજરાતના 13 ડેમોમાં 58.80 ટકા, જ્યારે કચ્છના 20 ડેમોમાં 55.36 ટકા પાણી ભરાયેલું છે. સરદાર સરોવર ડેમમાં હાલ 55.40 ટકા પાણીનો જથ્થો નોંધાયો છે. રાજ્યમાં સૌથી ઓછું પાણી હાલ ઉત્તર ગુજરાતમાં છે, જે વિચારજનક બાબત છે. ખાસ કરીને બનાસકાંઠા અને સાબરકાંઠા જેવા વિસ્તારોમાં ભારે વરસાદ છતા પણ ઉત્તર ગુજરાતના 15 મોટા ડેમોમાંથી એક પણ ડેમ હજુ સુધી છલકાયો નથી. આ સ્થિતિ પાણીના સંચાલન અને આગલા વરસાદી દિવસોમાં ભરાવાની જરૂરિયાતને રેખાંકિત કરે છે.

મહત્વપૂર્ણ લિંક્સ

આવી અન્ય માહિતી માટે

અહી ક્લિક કરો

નિષ્કર્ષ

જો આપને અમારા આ આર્ટીકલની માહિતી પસંદ આવી હોય તો આપ અમારા WhatsApp Group અને Telegram Group ને Join કરી અન્ય માહિતી મેળવી શકો છો અને તમારા અન્ય મિત્રો સાથે આ માહિતી Share કરવાનું ભુલતા નહિ, આભાર.

નોંધ: અમારા લેખ માં જો ક્યાંક ભૂલ રઈ ગઈ હોય તો અમને જરૂર જણાવજો અને સત્તાવાર સાઈટ પર જઈ પુરતી માહિતી મેળવી લેવા વિનંતી